J&K CM hlui Mufti-i'n house arrest a nih thu a sawi

Jammu and Kashmir chief minister hlui, People's Democratic Party (PDP) hruaitu Mehbooba Mufti-i chuan firfiakten an kahhlum, Kashmiri Pandit chhungte tlawh a tum chu thuneituten dangin, pawn chhuak thei loin a inah hren a nih thu a sawi.

Mufti hian tun hnaia Shopian-a firfiakten an kahhlum, Kashmiri Pandit Sunil Kumar Bhat chhungte a tlawh tum chu dangin, Gupkar area-a a chenna in luhna gate chu kalh sak a nih bakah, a pawn lamah CRPF motor pawh a ding niin a sawi a, thlalakte pawh a twittter-ah a dah lang a ni.

Sorkar laipui policy pawisak nei lo lutuk avangin Kashmiri Pandit-ten bitum an tawk a, thah an nih phah niin J&K CM hlui chuan a sawi bawk.