Rajya Sabha MP nihna bansanah Mayawati-i’n vau

Bahujan Samaj Party (BSP) hotu Mayawati-i chuan Rajya Sabha rorel inkhawmnaah, Uttar Pradesh-a Dalit hnamte beih an nih chungchang a sawi phalsak a nih loh chuan Rajya Sabha member a nihna aṭanga bana tum thu a sawi.

Uttar Pradesh chief minister hlui, Mayawati-i chuan Rajya Sabha deputy chairman PJ Kurien chu thu sawina hun pe ve duh lohah a puh bawk.

Mayawati-i hi Rajya Sabha-a BSP MP awmchhun a ni a, a term hi nakkum April-ah a tawp ang. Rajya Sabha member nilai zing­ah bang duh an awm a nih chuan chairman hnenah lehkha pein, a ban duhna chhante a sawi­chian a ngai a ni. A banna lehkha chu amah ngeiin a pek a, a bang duh ngei tih a hrilh chian chuan chairman hian a lo pawmsak nghal thei a ni. Mahse chairman hian midang kaltlanga lehkhe hi a dawng a nih chuan a hnawlsak thei a ni. BSP hotu hian BJP sorkarna state hrang hrangah Dalit leh hnam hnuaihnungte chu enhran leh kutthlak an ni fo tih a sawi a, hetiang hi tunhnaiah Uttar Pradesh-ah a thleng ngun hle tih a sawi bawk. An party-in mipuite ṭanpui a tumna chu state sorkar chuan a phalsak lo a ni, a ti bawk.