Darjeeling Police-te silai hmehpuahah mi pakhat thi

West Bengal aṭanga Gorkhaland state hran siam phuta nawrh huaihawt mek, Gorkha Janmukti Morcha (GJM) member leh Bengal-a rorellai, Trinamool Congress (TMC) worker-te chu Thawhṭanni zan khan Mirik khuaah an intibuai. Hemi hnua GJM member lungawi lote punkhawmnaah police-te’n silai hmetpuakin mi pakhat a thi.

GJM chuan police-te silai hmehpuaha thi hi an member niin an sawi a, mahse Tourism Minister Guatam Deb chuan police-te’n silai an hmetpuak lo niin a sawi thung. Mirik-a TMC leh Morcha activist-te intihbuai hnu hian Morch thlawptute chu police station bulah pungkhawm­in, TMC nena an intihbuai vanga an member pakhat man chu chhuah turin an phut a ni.

GJM member pungkhawmte hian police motor-te an halsak a, police-te chuan tiang leh tear gas hmangin mipuite hi hnawhdarh an tum a, a hnuah silai an hmetpuak zui leh niin Morcha activist-te chuan an sawi. Darjeeling-ah pawh district magistrate office kawtah nimin khan Morcha member-te chuan lungawi lohna an lantir. An thil phut zingah hian hills district-a internet service pe chhuak tura ngenna pawh a tel a ni.