Sorkar laipuiin state sorkarte FIR thehlut turin ti

Sorkar laipui chuan state sorkarte hnenah an state chhunga bawng humhalh chhuanlama pawikhawihna thleng­ah FIR thehlut vek turin a ngen.

Minister of State for Home Hanraj Ahir chuan dan leh thupek kenkawh te, bawng hmanga sumdawng leh bawngsa ei ṭhinte himna te, Muslim, Dalit, bawng vulha ei zawngte himna chu state sorkar mawhphurhna a nih thu a sawi. Bawng humhalh chhuanlama tharum thawhna leh pawikhawihna thleng lakah chuan FIR thehluh zel turin ti an nih thu nimin Lok Sabha inkhawmah a sawi a, hemi chungchang hriattirna copy hi state leh UT hnenan pawh pek an ni, a ti.