Apollo Hospital-in chhui chian inpeih

Apollo Hospital, Chennai chuan Tamil Nadu chief minsiter hlui J Jayalalithaa-i a enkawl danah pawnlam mi inrawlh an awm lo tih sawiin, chhui chian an inpeih thu an sawi.

Apollo Hospital Group Founder Chairman Prathap C Reddcy chuan Jaya-i enkawl danah data engkim an nei a, damdawi-a enkawl a nih danah midang inrawlh an awm lo tih a sawi. Jaya-i khan hma a sawn chho hman hle a, mahse lungna a neih leh avangin a chau leh ta niin a sawi.

Jayalalithaa-i hi kum 2016, September 22 khan khawsik leh dehydration avangin Apollo Hospital-ah dahluh a ni a, December 5 khan he hospital-a hian a thi a ni. Damdawi-in enkawl a nih danah political party hruaitu eng emaw zat chuan sawichian an phut a, an zingah hian Chief Minister hlui O Panneerselvam pawh a tel.