School bag rih zawng bithliah siam

Telangana sorkar chuan school naupang bag rih zawng tur bithliah a siam. Hei hi school naupangten bag an ah rih lutuk avanga taksa lama harsatna a thlen tur venna atana tih a ni.

Sorkarin thuchhuah a siamah, Class I - II zirlaite bag chu kg 1.5 aiin a rit tur a ni lo a ti a, Class III - IV zirlaite bag rih zawng chu kg 2-3 chin turin a bithliah bawk. Class VI- VII zirlaite bag chu kg 4 aia rit a ni tur a ni lo a, Class VIII-IX zirlaite bag chu kg 4.50 leh, Class X zirlaite bag chu kg 5 aiin a rit tur a ni lo, a ti bawk. Tuna school naupangte bag rih zawng chu kg 6-12 te a nih thu sawiin, hei hian naupang ṭhang mekte taksaah nghawng ṭha lo a thlen thei a, rilru lam thleng pawhin a nghawng thei a ni, a ti.