Pawisa lem vbch 11.23 man tawh

Union Finance Minister Arun Jaitley chuan nikum November thlaa pawisa note lian pahnih, Rs 500 leh Rs 1,000 note tih thih a nih hnuah pawisa lem vaibelchhe 11.23 man a ni tawh niin a sawi.

National Crime Records Bureau (NCRB) data-a a lan danin, pawisa note lem man hi a vaiin nuai 1.58 a ni a, heng pawisa lem hlut zawng hi cheng vaibelchhe 11.23 niin, state 29-a man a ni.

Reserve Bank of India (RBI) chuan user-te’n Rs 500 leh Rs 2,000 a lem tak leh tak an hriatfiah theihna tura security feature enna tur mobile application pawh a siam a, hei hi Playstore leh App Store aṭangin download theih a ni.