Russia-ah India ram hruaitu beih tum nia sawi ISIS firfiak man

Russian Federal Security Service (FSB) chuan India ram hruaitu beih tum nia sawi, ISIS firfiak pawl member, suicide bomber chu an man tih an sawi.

Russia news agency, Sputnik chuan hemi chungchang hi a report a, "Russia FSB chuan Russia ramah ISIS pawl member pakhat hi an man a, Central Asian lam mi a ni. He firfiak hian India ram hruaitute thihchilh bomb hmanga beih a tum a ni," a ti. An mi man hi kumin April-June inkar khan Turkey-ah ISIS hian suicide bomber atana an lakluh a nih thu a tarlang bawk.

Sorkar laipui chuan Islamic State leh a hnuaia pawl hrang hrangte chu First Schedule of the Unlawful Activities (Prevention) Act, 1967 hnuaiah 'Terrorist Organisations' ah a puang tawh a ni.