President thar atan Ram Nath Kovind thlang

India ram president thar atan Bihar Governor hlui, NDA candidate Ram Nath Kovind chu thlan tlin a ni ta. Kovind hian Pranab Mukherjee thlakin, India ram president 14-na a ni dawn ta a ni.

July 17 khan President thlangin MP leh MLA-te chuan vote an thlak a, nimin khan vote tlate hi chhiarin result puan nghal a ni. President thlannaah hian NDA candidate Ram Nath Kovind leh eptu candidate inṭawm Congress hruaitu Meira Kumar-i te an inkhing a ni.

President thar hi July 25-ah rinawmna thu tiamtira lakluh a ni dawn a, Dalit hnam zinga president dinhmuh luah thei pahnihna a ni ang. President lakluh inkhawm hi Parliament Central Hall-ah neih a ni dawn a, Chief Justice of India-in rinawmna thu a tiamtir ang. Lakluh inkhawm hian darkar hnih a awh dawn a ni.

Ram Nath Kovind hi 10 Akbar Road-ah bungalow-ah a cheng mek a, presidential palace-a a insawh luh hma chuan 10 Akbar Road-ah hian temporary secretariat dah rih a ni ang.