SP hunlaia appointment siam chhui vek dawn

Uttar Pradesh Chief Minister Yogi Adityanath-a chuan an state-a sorkar hmasa, Samajwadi Party (SP) sorkar hnuaia appointment siamte chu Central Bureau of Investigation (CBI) chhuitir vek a ni dawn tih a sawi.

SP sorkar lai, kum sawm kalta chhung khan sorkar hna thawk tur sing tel lak a ni a, mahse appointment siam chungchangah hian thil dik tawk lo tam tak a awm nia sawiin, CM chuan thil dik lo awmte chu hailan vek a, mawhphurtute pawh hrem an nih tur thu a sawi a ni.

Dik lo taka zirtirtu laknaa in­hnamhnawih avanga Tihar jail-a tang mek, Haryana Chief Minister hlui Om Prakash Chautala chungchang pawh sawilangin, Adityanath chuan paper leh official file-te halral avang ringawtin tumahin dan rorelna an pumpelh thei dawn lo a ni, a ti.