Modi-a'n Ayodhya tlawh mai thei

 Uttar Pradesh-a Ayodhya hmuna Ram temple-a bhoomi puja neih hunah prime minister Narendra Modi chu a kal maithei tih Ram janmabhoomi decree holder, Triloki Nath Pandey chuan a sawi. 

Pandey chuan PM-in a tlawh ni tur a sawi theih loh thu a sawi a, mahse information an dawn-ah chuan August 5-a PM a kal mai theih thu an dawng tih a sawi. Ram temple sak hna bawhzuitu pawl trust president Nritya Gopal Das chuan August 3 aṭangin ni thum awh tur bhoomi pujan neih tum a nih thu a sawi a, he hunah hian UP chief minister Yogi Adityanath a tel dawn thu a sawi bawk. 

Hindu leh Muslim inkara Ayodhya hmuna ram inchuh thubuai chu nikum November 9 khan Supreme Court chuan a rel fel a, ram acre 2.77-a zau chu Hindu Lord Ram temple sakna atana pek a ni a, hemi rual hian Ayodhya-ah mosque sakna tur ram acre 5-a zau chu Sunni Waqf Board hnena pek a ni thung.