Kerala-in Hri kai 50,000 enkawlna tur ruahman

Kerala sorkar chuan an state-a hri kai an pun belh zel avangin  hri kai 50,000 enkawl theihna tur a ruahman dawn. 

Health minister KK Shailaja chuan expert-ten thla thar lamah hri kai hi an la pung zual dawn nia an sawi lawk avangin, sorkar chu eng dinhmun pawh tawk thei a ni tih inhriaiin inbuatsaihna theihtawpin a kalpui a ni, a ti. 

Minister chuan district tinah Covid hospital pahnih ṭheuh a awm tawh a, hei bakah hian first-line treatment centres (FLTC) pakhat ṭheuh siam belh leh niin, FLTC hi 28 a awm mek tawh a ni, a ti. Hei pawh hi 56-ah tihpun tum a nih thu a sawi. Panchayat 941-ah FLTC pakhat ṭheuh tal hawng tura tih niin, heng hi special medical team-ten an enkawl dawna ni.