Kovind-a’n vote a hmu hniam ber

India President 14-na atan Ram Nath Kovind chu thlan a ni a, kar leh khian rinawmna thu tiamtira lakluh a ni ang.

Rorellai NDA candidate Ram Nath Kovind hian a khingpui, eptu ṭangrual candidate Meira Kumar-i hneh mah se kum 1974 hnua President thlanna-a vote inthlauhna tlem ber ber ṭum a ni.

Kovind hian vote 2,930 hmuin a vote hmuh hlut zawng hi 7,02,044 a ni a, a vote hmuh zat hi 65.65% a ni. Hetihlai hian hian Meira Kumar-i chuan vote 1,844 hmuin a vote hlut zawng hi 3,67,314 a ni. Election Commission data-a a landanin, president kal­chhuak tur Pranab Mukherjee khan vote 69.31% hmuin, kum 2007-a President thlanah khan Pratibha Patil chuan vote 65.82% a hmu a ni.

KR Narayanan (1997) leh AJP Abdul Kalam (2002) te khan vote 94.97% leh 89.57% an hmu a, kum 1974 hnua vote inthlauhna sang an ni. 1974 hnuah chuhtu awm loa President atana tling awmchhun chu Neelam Sanjeeva Reddy (1977) a ni. President thlannaah hian eptu candidate, Meira Kumar-i chu tling zo lo mah se president chuhtu candidate tling lo zinga vote hmu sang ber a ni.