Rs 20 note thar tichhuak thuai dawn
Reserve Bank of India (RBI) chuan Mahatma Gandhi series, Rs 20 note thar a tichhuak thuai dawn tih a awi.
Rs 20 note tharah hian inset letter ‘S’ a chuang dawn a, RBI Governor Urjit Patel singature pawh a chuang ang. Note thar tihchhuah hnuah pawh Rs 20 note hluite chu hman chhunzawm zel theih a ni dawn a ni. Pawisa note thar tihchhuah tur hi a note hlui nen kawng hrang hrangin a inang dawn tho a, mahse note hlui hi intaglio printing niin, a thar hi offset printing a ni thung ang. A rawng pawh a danglam dawn lo a, mahse a tharah hian intaglio printing a nih dawn loh avangin a rawng hi a dal deuh ang.