LS Congress MP paruk ni nga chhung atan suspend

Lok Sabha Congress MP paruk chu nimina Parliament rorel inkhawmah mawi lo taka an chet avang­in ni nga chhung atan suspend an ni.

Nimina Lok Sabha inkhawmah hian Bofors case leh, tunhnaia bawng humhalh chhuan­lama pawikhawihna thleng ṭhin chungchang sawi­ho a ni a, Congress MP-te hi inkhawm tibuai zawng­a chein, lehkhate an theh­darh a ni. Hei vang hian Lok Sabha Speaker Su­mi­tra Mahajan-i chuan Cong­ress MP paruk - G Go­goi, K.Suresh, Adhiranjan Chowdhary, Ranjeet Ran­jan, Sushmita Dev leh MK Raghavan chu ni nga chhung atan a suspend ta a ni.

Eptu MP-te hian zero hour hmanlaiin darkar khat dawn inkhawm hi an aubuai a, House laiah chhuak khawmin, paper pawhthlerin treasury bench leh House chair lamah an vawm darh a ni.

Nimina Lok Sabha inkhawmah hian Congress party hruaitu Mallikharjun Kharge-i’n bawng humhalh chhuanlama hmanga pawikhawihna thleng ṭhin chungchang sawiho a phut avangin inkhawm ṭantirh aṭangin boruak a ṭang nghal hle a, eptute chuan adjournment motion an pulut a, mahse hi hnawlsak an ni. Eptu member-te au buai avangin rorel inkhawm pawh tihtawp lailawk a ni bawk.