JNU VC-in campus chhungah army tank dah a duh

Jawaharlal Nehru University vice-chancellor Jagadesh Kumar chuan sorkar laipui hnenah university campus-ah army tank dah turin a ngen a, hei hian zirlaite hnenah ram tana sipaite inpekna leh an huaisenzia te a hriatnawn tir fo dawn a ni, a ti.

VC hian nimin khan Minister of State for External Affairs General VK Singh bia­in, army tank dah tura a duh thu hi a hrilh niin, Kargil indonaa martarte hriatrengna puala inkhawm buatsaihah a sawi.

Nimin khan Kargil indonaa India hnehna chan lawmna leh, martarte hriat­rengna puala kawngzawh, Tiranga March huaihawt a ni a, JNU main gate aṭanga zawh ṭanin Convention Centre thleng an zawh a, he hunah hian JNU community member 2,000 chuang an tel. He hun hi union minister Dharmendra Pradhan, General (Retired) V.K. Singh, leh Mentor of Veterans India, Major General G.D. Bakshi bakah cricketer Gautam Gambhir-te’n an hmanpui a ni.