TN-a school-ahte Vande Mataram sa tawh dawn

Madras High Court chuan nimin khan thupek tichhuakin, national song Vande Mataram chu Tamil Nadu state chhunga school leh office zawng zawng­ah sak ziah tur a ti.

Court chuan ram mipuite tan ram hmangaihna tihlan chu an tihtur a ni tih a sawi a, school, college, institution leh unversity tinte chu kar khatah national anthem vawikhat tal play leh sa turin a ti bawk a, sorkar office, private company, factory leh industry-te chuan thla khatah Vande Mataram hi vawikhat tal an play emaw, an sa tur emaw a ni, a tibawk.

National song hi sa vek tura tih a nih rualin a sa theilo an awm a nih pawhin sak luih tir tur a ni lo tiin court chuan a sawi. Court thupek tihchhuah a nih hnu hian ‘Vande Mataram’ hla, Tamil leh English ṭawnga leh chu Director of Public Information chuan sorkar website leh social media lamah an upload nghal a ni.