Bank-te’n darkar khatah Rs 88,553 hloh
Kum thum leh thla thum kalta chhung khan bank hrang hrangten cybercrime avanga sum an hloh chu darkar khatah Rs 88,553 ang zel a ni.
Kum 2014 April 1 aṭanga 2017, June 30 chhunga bank sum hloh zat hi cheng vaibelchhe 252 a tling a ni, hemi chhung hian chawhrualin nitin cybercrime case 40 vel ziahluh ang a ni bawk. Kum thum leh thla thum chhung hian cybercrime case 46,612 ziahluh hman a ni.
Reserve Bank of India-in bank 102-te data a lakkhawm aṭangin hei hi tarlan a ni a, heng data-te hi credit, debit, ATM card leh internet banking hmanga inbumna hrang hrang thleng lakkhawm a ni.
Kumin April 1 aṭanga June 30 thleng khan bank-te hian cybercrime thubuai hi ni khatah 56 zel ang thehluh a ni.