PM Modi-a'n India rama Private Hospital lian ber tur a hawng

Prime minister Narendra Modi chuan nimin khan Haryana-ah khum 2,600 awm theihna tur private hospital a hawng.

Faridabad-a Amrita Hospital hi kum ruk chhung sak niin, campus hi acre 130-a zau a ni. Super-speciality hospital thar hi khum 500 nen hawn phawt a ni a, a tahtawla hawn belh zelin kum nga chhungin hawn kim hman tum a ni.

Hawn kim vek a nih hunah specialty 81 awmna hospital hi ram chhunga private hospital lian ber a ni dawn niin official-te chuan an sawi. Research block bik, chhawng sariha sang awmin, centre of excellence pariat a awm bawk.