RBI-in Rs 2,000 note a print belh tawh lo

Reserve Bank of India chuan pawisa note lian tihchhuah thar ber, Rs 2,000 note chu a print belh tawh lo a, Rs 200 note thar tichhuak turin a inbuatsaih mek.

RBI hian thla nga kalta aṭang khan Rs 2,000 note hi a print belh tawh lo a, financial year hman mek chhungah hian print belh a tum tawh lo nia sawi a ni. Hetihlai hian Mysuru-a RBI Printing press-ah Rs 200 note thar tur print mek a ni a, thla tharah hian tih­chhuah hman beisei nia sawi a ni bawk. 

Rs 2000 note tih ti­chhuah a nih hnuah RBI chuan note vaibelchhe nuai 3.2 an print hman a ni. Central bank hian finance minis­try an rawn hnuah, March thla khan Rs 200 note thar tihchhuah hi a tum a, note thar siam tihchhuak tur hian government prin­ting press-ah security leh quality check pawh kal­tlang­pui a ni tawh nia sawi a ni.