Eptuten MP paruk suspend vangin lungawi lohna lantir

Lok Sabha Speaker Sumitra Mahajan-i’n House chhunga an chetdan mawi lo avanga Congress MP paruk a suspend chungchangah nimin khan eptu ṭangrualte chuan Parliament chhung leh pawn lamah lungawi lohna an lantir. Eptute lungawi lohna lantir avang hian nimina Lok Sabha inkhawm pawh tihtawp lailawk a ngaih phah a ni.

Nimina Rajya Sabha inkhawmah pawh Thawhlehnia President thar atana lakluh, Ram Nath Kovind-a’n thu a sawinaah India ram prime minister hmasa ber, Jawaharalal Nehru-a hming a lamrik tel loh avangin Congress Party chuan an sawisel a, BJP member-te nen an inaubuai nasa hle.