Maoist hel kutah civil mi 94 thi tawh

Kumin kumtir aṭanga June thla thleng khan ram chhungah Maoist hel kuta thi civil mi 94 awn awm tawh.

Minister of State for Home Hansraj Ahir-a’n nimina Rajya Sabha inkhawma ziaka zawhna a chhannaah hei hi tarlangin, June thla thleng khan hel kuta hian mi 94-te hi kahhlum, ngaihsak hlum leh hmanraw dang hmanga tihhlumte an nih thu a sawi. Hetih lai hian kum 20 liamta chhung khan Moaist hel kutah hian security mi leh sa 2,753 an ti tawh bawk.

Sorkar laipui leh Maoist hel awmna state hrang hrangte chuan security force-te chu training pein, hmanraw ṭha tak nen an thuam a, helho beihletna kawngah hian intelligence agency leh security force-te chu an thawkho ṭha hle bawk niin Ahir chuan a sawi.