BRICS NSA meeting-ah Ajit Doval a tel

National Security Advisor (NSA) Ajit Doval chu China-a BRICS top security official meeting, nimina ṭanah a tel a, meeting hi ni hnih awh tur a ni.

Brazil, Russia, India, China, South Africa (BRICS) NSA meeting-a tel tur hian Nilaini khan Doval hian China hi a thleng a ni. A cham chhung hian Chinese state councilor Yang Jiechi nen tunlaia Doklam bial­a ram pahnih sipaite inkara buaina awm mek chungchang pawh an sawidun rin a ni. Vawiin hian China President Xi Jinping pawh a kawm dawn bawk a ni. Hetih lai hian China foreign ministry thupuangtu Lu Kang chuan Doklam bial aṭanga India in a sipaite a hnukkir vek a nih loh chuan inbiakna awmze nei tak neih a har tur thu a lo sawi tawh a ni.