BJP MLA thusawi vangin Hyderabad-ah lungawi lohna lantir leh

Telangana BJP MLA T Raja Singh-a'n prophet Muhammad chungchang mawi lo taka a sawi avangin Hyderabad-ah lungawi lohna lantir chhunzawm leh a ni. BJP chuan an party MLA hi a thusawi avang hian an suspend tawh bawk.

BJP MLA T Raja Singh hi man a nih hnuah bail-a chhuah tir leh nghal a ni.

Nilaini zan khan Hyderabad-ah mi tam tak punghawmin, Singh hi hremna pek an phut a ni, milimte an hal bawk. Police-te chuan tiang nen pungkhawmte hi an hnawtdarh a, buaina lian tham a chhuak hman lo.

Singh-a'n prophet Muhammad a sawichhiatna video clip, minute 10-a thui hi social media lamah a darh a, mahse a hnuah social media platform aṭang hian paih a ni. Singh chuan prophet Muhammad a sawichhiatna ni loin, comedian Munawar Faruqui thusawi a kah letna, comedy video niin a sawi thung.