Mi-17 chopper supply-na tur Kumin chhungin tihfel beisei

Russia-in India henna Mi-17 military transport helicopter a supply tur chungchangah ram pahnih aiawhte inbiakna an nei mek a, inremna hi kumin chhung ngeia tihfel hman beisei a ni.

Russia arms supplier Rosoboronexport CEO Alexander Mikheev chuan India chuan Mi-8 leh Mi-17 family ami helicopter 300 chuang a nei mek a, heng te hi transport, fire support, convoy escort, patrol leh search-and-rescue (SAR) mission atan hman mek an ni, a ti.

Mikheev chuan Russia leh India chuan Mi-17V-5 helicopter 48 supply na tur contract siam tur hian inbiakna an nei mek tih a sawi. Nikum khan a hmaa inremna an lo ziah tawhna hnuaiah Russi hian Mi-17V-5 military transport helicopter pathum chu India hnenah a lo hlan tawh a ni.

Rosoboronexport hian kum 2008 kha India sorkar nena Mi-17V-5 helicopter 80 supply-na turin contract an lo ziak tawh a, hengte hi kum 2011-2013 chhung khan a pe kim vek a ni. Hemi hnu, kum 2012-2013 khan Indian Air Force-te hman turin helicopter dang pathum supply turin inremna an siam leh a, hei hi nikum khan a pe fel tawh a ni.