Heroin Rs vbch 3,500 hu man

Indian Coast Guard-te chuan Gujarat tuipui kamah sumdawng lawng lian pakhat aṭangin ruihhlo, heroin kg 1,500, cheng vaibelchhe 3,500 hu an man. Lawnga thawktu mi pariat an man bawk a, an vai hian India mi an ni. Hei hi ramchhunga ṭum khata ruihhlo an man tam ber ṭum a ni.

Ruihhlo an manna lawnglian, MV Hennery hi Panama-register a ni a, coast guard-te hian thu an dawn bawhzuiin ni thum chhung beihpui an thlak hnuah ruihhlo te hi kar kalta Inrinni khan an man a ni. Nimin khan lawng hi enfiah zui turin Porbandar lamah hruai a ni. Ruihhlo dap hna hi Coast Guard, Intelligence Bureau, Customs, Navy, police leh agency dang­ten an thawk zui dawn a ni. Coast Guard official chuan he lawng hi Iran aṭanga kal a nih thu leh, Gujara-a Alang pan tur a nih thu a sawi. Thawktute inbiakrukna an hriat aṭangin heng ruihhlo te hi Alang kaltlangin India rama tawlhluh an tum a ni.