Supreme Court rorel lai live-a tihchhuah a ni

India ram chanchina a ṭum khatna turin, nimin khan Supreme Court rorel lai chu mipuite thlir theih turin live-a tichhuah a ni.

Court hearing neih lai live-a tihchhuah hi kum thum chuang liam ta khan rawt a lo ni tawh. Nimin bika live-a tihchhuah hi chief justice of India kalchhuak tur, NV Ramana puala tih a ni a, chawhma dar 10:30 aṭangin NIC Webcast protal-ah an tichhuak a ni. Nidangah tihchhunzawm zel a ni dawn em tih an sawichiang lo.

Kum 2018 khan Supreme Court hian court-a case ṭhenkhat ngaihtuah lai chu live streaming a lo phalsak tawh a ni. Mahse live-a tihchhuah turah hian ram pum huap tana pawimawh bik case leh, constitution bench-a lo ngaihtuah tawhte chauh a phalsak rih a ni.