PM-in rawtna theh­lut turin a sawm

Prime Minister Narendra Modi chuan August 15-a Indepedence Day lawmnaa a thu sawi turah rawt­na neite tan thehlut turin mipui­te a sawm.

PM chuan hemi chungchang hi Mann Ki Baat programme a hmannaah sawichhuakin, “August 15 hian Red Fort-ah thuchah sawina hun ka nei dawn a, kei chu a hmanrua mai ka ni a, ram mipui vaibelchhe 125-te aiawhin ka sawi mai dawn a ni”, a ti.

Modi chuan a thusawi tur chung­changah rawtna neite tan a website, MyGov.in-ah emaw, Narendra Modi mobile application kaltlangin emaw a thehluh theih thu sawiin, rawtna thehlutte chu a lo chhiar vek tur thu a sawi.

Kum danga Independence Day lawmnaa a thu sawi rei chung­changah complaint a dawn ṭhin avangin, tun ṭumah chuan tih­tawi a tum thu leh, minute 45-50 inkar chhung vel sawi a tum tih a sawilang bawk.