Ministry-te’n official eirute hming thehlut dawn

Sorkar laipuiin eiruk umbo tuma a hmalakna kal zelah, ministry tinte chu an ministry chhunga official eirute hming thehlut tura tih an ni.

Ministry tina vigilance department chu official eirute hming lakhawm tur hian hriattir an ni a, an list-a chuang official-te chungah chuan August 15 hnu lam aṭangin action lak a nih tur thu sorkar chuan a sawi. Vigilance department-te’n list an siam hi Central Bureau of Investigation (CBI) leh Central Vigilance Commission (CVC)-te pek an ni ang a, anni hian heng official-te lakah a ṭul dan angin action an la dawn a ni.