BSF 15-in Covid-19 kai
Kar kal ta Inrinni khan Delhi-a Border Security Force (BSF) 15-in Covid-19 an kai tih finfiah a ni.
Hri kai zinga BSF pasarihte hi ramchhunga lockdown puan laia Delhi Police duty-te pui tura duty an ni a, heng BSF-te hi Jama Masjid leh Chandani Mahal biala 126 Battalion BSF leh 178 Batallion BSF-a awmte an ni. Greater Noida-a CAPF (Central Armed Police Forces) Referral hospital-ah khung hran nghal an ni bawk.
BSF dang pariatte hi Delhi, RK Puram-a force hospital-a duty te an ni a, an zinga pahnih chu cancer natna nei an ni. BSF cancer nei pahnihte hi BSF hospital ward-a cancer inentirna an tlawh aṭanga kai nia hriat a ni a, Jai Prakash Narayan Trauma Centre-ah khunghran nghal an ni. Anni bakah hian Tripura-ah BSF pahnihin Covid-19 an kai tih hriat a ni bawk a ni.