Sai leh sakei vangin nitin mi pakhat thi

Environment ministry-in a tarlan danin kum 2014, April leh kumin May thla inkar chhung khan ram chhungah sai leh sakei sual lakah mi 1,444 an thi a, nitin mi pakhat thi ang zel a ni.

Ministry chuan hemi hun chhung vek hian sakei 345 leh sai 84 thah an ni bawk tih a sawi a, sai hi an ngho lak duh vanga thah an ni tlangpui a ni.

Sai pawikhawihna avanga thi hi mi 1,052 an tling tawh a, sakei sehhlum mi 92 an awm bawk. Sai leh sakei laka thi zinga hmun lia ṭhena hmun khat hi West Bengal-a thleng a ni. West Bengal-ah hian sai 800 vel an awm a ni. Nikum khan West Bengal-ah hian sai rualin khaw pakhat beiin, mi panga an tihhlum bakah in leh motor eng emaw zat an chil chhia a ni.

India ram pumah hian sai 30,000 leh sakei 2,226 vel a awm. Chhiarpui neih hnuhnun ber chu kum 2014 kha a ni.