Lalu-a fapa chhui chiang turin thupek tichhuak

Bihar-a Nitish Kumar-a kaihhruai Janata Dal (United) leh Bharatiya Janata Party (BJP) ṭangrual sorkar chuan RJD hotu, Lalu Prasad Yadav-a fapa upa zawk, Tej Pratap Yadav-a inhnamhnawihna, Patna zoo ram lei chungchanga thil dik lo awm nia sawi chu chhui ṭha leh turin thupek a tichhuak.

Grand Alliance sorkar laia eptu hruaitu, JD(U)-BJP sorkar thar Deputy Chief Minister atana lakluh, Sushil Kumar Modi chuan tuna Saguna Mor bula mall sak mekna ram chu Patna zoo-in cheng nuai 90-a a lei anih thu a sawi. He inremna hi tender engmah tih­chhuak loa tihfel a nih thu te, he thil hi Tej Pratap-a environment and forest minister a nih laia thleng a nih thu a sawi.

Modi chuan mal sakna ram acre 2-a zau chu Delight Marketing Company Pvt Ltd. ta a nih thu leh, he company board member-ah hian Lalu Prasad-a fapate pahnih - Tejaswhi Prasad leh Tej Pratap te hi an tel thu a sawi bawk.