Azad thlawptu J&K Congress hruaitu 50 an bang

Tun hnaia Congress party aṭanga banna thehlut, Ghulam Nabi Azad thlawptu, Jammu and Kashmir-a Congress hruaitu 50 chuang chuan Azad-a zuiin party aṭanga banna an thehlut.

J&K Congress hruaitute hian Congress president Sonia Gandhi hnenah banna lehkha hi an thehlut a ni.

Banna thehlut zingah hian J&K deputy chief minister hlui Tara Chand, minister hlui - Abdul Majid Wani, Manohar Lal Sharma leh Gharu RAm bakah MLA hlui Balwan Singh-te an tel.

Kum 73 mi, Jammu and Kashmir chief minister hlui Azad hian kum 50 zet a lo awm tawhna, Congress aṭanga banna hi kar liam ta Zirtawpni khan a thehlut a ni. Banna lehkha a thehluhah hian Congress party chu tlachhe tawh nia sawiin, Rahul Gandhi chu party tichhetuah a puh a ni. Azad hian J&K-ah hian political party thar din a tum.