Dujana ruang hlawm turin Pak High Commission hriattir

Jammu and Kashmir Police-te chuan Thawhlehnia security force-te’n an kahhlum, Lashkar-e-Toiba (LeT) firfiak Abu Dujana ruang chu hlawm turin Delhi-a Pakistan High Commission an hriattir.

Kashmir Inspector General of Police (IGP) Munir Khan chuan Pakistan-in Dujana-a ruang hi an hlawm lo a nih chuan an phum mai dawn tih a sawi. Mahse thuneitute chuan Dujana nu leh pate hian an fapa hi phum a nih hma ngeiin a ruang hi hmu ve se an duh a, hei vang hian Pakistan High Commission pawh hi an bia niin a sawi.

Police-te chuan Dujana ruang hi civil mite kutah an hlan duh lo a, senior police officer chuan Kashmir Valley mi leh sa ni lo ruang chu tualchhung mite kuta hlan ngawtna chhan tur a aw lo tih a sawi. LeT commander Abu Dujana kahhlum a nih avanga hian Kashmir Valley-ah buaina a chhuah phalh venthawn thilah khuahkhirhna khauh taka kalpui nghal a ni. Zirna-in te khar a ni a, internet service tihtawp a nih bakah, thunetiute chuan rel service pawh titawp lailawk turin an ti.