UP CS hlui kum hnih tang turin hrem

Supreme Court chuan CBI court-in Noida-a dik lo taka ram inpek chungchang a, Uttar Pradesh Chief Secretary hlui, Neera Yadav-i thiam loh a chantirna chu pawmpuiin, Yadav-i hi kum hnih lung-in tang turin a hrem.

Supreme Court chuan IAS officer hlui, Rajiv Kumar pawh he thubuaiah vek hian kum hnih tang turin a hrem bawk.

Neera Yadav-i leh Rajiv Kumar-te hi kum 1994-1995 inkara dik lo taka ram inpek chungchangah, Ghaziabad-a CBI court chuan thiam loh a lo chantir tawh a, kum thum tang turin a hrem a ni.

Noida-a ram inpek chungchanga thil dik lo a awm nia sawia petition thehluh a nih hnuah he thil hi ngaihuah a ni. Petition thehluah hian mi tam tak hnenah ram hi pek a ni a, mahse ram pekte hian sum eng emaw zat an pekbelh hnuah hmun ṭha leh zau zawk an chang nia sawi a ni. Hei bakah hian Neera Yadav-i hian chhungkhaw pakhat tan ram pakhat chauh pek theih a ni tih hre reng chungin a fanu pahnihte hmingin ram pahnih a pe niin an sawi bawk.