Ramchhunga lei 100 chuang dinhmun a him lo : Nitin Gadkari

Road Transport and Highways Minister Nitin Gadkari chan nimina Lok Sabha inkhawmah thu a sawi a, ramchhunga lei (bridge) 100 chuangte chu chim mai thei dinhmunah an ding a, ngaihven vat an ngai tih a sawi.

Gadkari chuan a ministry chuan ram chhunga lei nuai 1.6 te himna chungchang a zirchiang tih sawiin, lei 100 chuang zet chu an dinhmun a him tawk lo hle a ni, a ti. Nikuma Maharashtra-a Konkan biala Savitri luia lei dawh chim avanga state bus pahnih leh mimal motorṭhenkhat tuiin a lak thute a sawichhuak bawk.

Minister chuan nikum aṭang khan a ministry chuan ramchhunga lei leh culvert-te dinhmun endikna turin special project a siam thu a sawi. Road project tam tak tihkhawtlai mek a nih thu pawh sawiin, tihkhawtlai a nih chhan chu ram inchuh chungchang leh environment clearance fel theih loh vangte a nih thu a tarlang. Road project cheng vaibelchhe nuai 3.85 chu chhan hrang hrang avangin tihkhaw­tlai a lo ni tawh a, mahse heng buaina tam tak hi chinfel niin hna pawh thawh chhunzawm mek a nih thu a sawi.