UP sorkar-in nitin toilet 44,000 siam dawn

Uttar Pradesh Chief Minister Yogi Adityanath chuan kumin chhungin an state-a district 30 chu inthiarna nei lo awm lohna hmunah siam a ni dawn tih sawiin, a bak district 45 pawh kum 2018, October 2-ah siam tum a ni, a ti. CM chuan an thil tum tihhlawhtlinna atan hian inthiarna hmun, toilet vaibelchhe 1.55 siam a ngai dawn tih sawiin, nitin toilet 44,000 siam tum a ni, a ti.

Chief Secretary Rajiv Kumar chuan hmabak hautak tak an hma­chhawn dawn tih sawiin, district magistrate tinte hnenah an district chhunga toilet siam hna thawhte endik nan nitin minute 30 tal hun hmang ṭhin turin a ti. Chief Secretary hian thla tina ni 10-naah Divisional Commissioner-te chu an hmasawn dante ennawnin meeting a neihpui ziah dawn bawk a ni.