Death certificate siam nan Aadhaar ngai tawh dawn
October 1 aṭang chuan death certificate siam turin Aadhaar neih a ngai tawh dawn.
Sorkar laipui chuan hemi chungchangah hian thuchhuah siamin, he thil hi mi hming hawh emaw, hming lem hmang ṭhin emaw te dona tur a nih thu leh, felfai zawka mitthi chhinchhiahna tur a nih thu a sawi. He dan thar hi Jammu and Kashmir, Assam leh Meghalaya tih loh state hrang hrangah October 1 aṭang hian hman ṭan a ni dawn a, heng state pathumte tan hian a hman hun tur chu a hrana hriattirna tihchhuah leh a ni ang.