NITI Aayog Vice chairman atan Rajiv Kumar ruat

NITI Aagyog vice chairman aṭanga Arvind Panagariya a ban hnuah, a thlaktu turin economist Dr Rajiv Kumar ruat a ni.

Sorkar laipui chuan NITI vice chairman thar ruat a nih rual hian member atan AIIMS-a pediatrician Dr. Vinod Paul ruat a nih thu a sawi.

NITI Aayog vice chairman thar, Dr Rajiv Kumar hi Oxford aṭanga economic-a D.Phil leh, Lucknow University aṭanga Ph.D degree nei a ni a, Centre for Policy Research (CPR)-ah senoir fellow a ni bawk.

FCCI-ah Secretary General a ni ṭhin a, hemi hma hian Indian Council for Research on International Economic Relations (ICRIER)-ah Director leh Chief Executive te a lo ni tawh bawk. Kum 2006-2008 khan National Security Advisorty Board member a ni.

International leh national institution hrang hrangah Kumar hi board member a ni a, heng zingah hian Riyadh-a King Abdullah Petroleum Studies and Research Center, Jakarta-a conomic Research Institute for ASEAN and Asia, State Bank of India leh Indian Institute of Foreign Trade-te pawh a tel.