Jhajjar medical college scam : CBI-in thamna petu mi pathum man

Central Bureau of Investigation (CBI) chuan Haryana-a Jhajjar district-a World College of Medical Sciences and Research and Hospital tana recognition hmuh theih nana Ministry of Health and Family Welfare senior officer-te thamna pek tumtu mi pathum an man.

CBI chuan dik lo taka thiltihnaah inhnamhnawiha puh, Noida-a mediaperson leh news channel lar tak pawh an chhui chiang mek bawk. He mediaperson hi a hming sawilan a nih hnuah a thawhna hmun aṭang hian a bang a ni. CBI hian thu an dawn bawhzuiin August 3 khan complaint hi an ziaklut a ni.

CBI chuan World College of Medical Sciences and Research and Hospital hi sorkar laipuiin college facility a ṭhat tawk loh avang leh, criteria siamte tlin loh avanga academic session thar atana admission la tawh lo tura a tih, college 46 zingah a tel niin a sawi.