Gujarat-a RS inthlanah Ahmed Patel a chak

Gujarat-a Rajya Sabha inthlan, Thawhlehni-a neihah Congress candidate, party hruaitu hlun Ahmed Patel a chak.

Inthlana chak tur hian Patel hian MLA-te vote 44 a hmuh a ngai a, vote chhiar hnuah vote 44 chiah a hmu ta a ni. Gujarat assembly-ah hian Congress party hian legislator 43 a nei a, mahse party dang MLA zingah Patel vote-tu hi an awm avangin a tling ta a ni.

Vote thlak ni hian member pahnih chuan BJP candidate tih lantira an ballot paper an tihlan avangin Congress party chuan Election Commission-ah a complaint a, hemi hnu hian heng MLA pahnihte vote hi hnawlsak a ni.

Gujarat Rajya Sabha inthlan neih turah hian boruak a ṭang hman hle a, inthlan hmain Congress MLA paruk chuan BJP an zawm a ni. Hemi hnu hian Congress party chuan an party MLA dangte chu BJP-in sum hmangin an thlem nia sawiin, party MLA zawng zawngte chu Bengaluru-ah hruaiin BJP lamin an biakpawh theih loh turin resort-ah an awm­khawm tir a ni. Vote thlak dawn hma ni khan Bengaluru aṭangin Gujarat lamah hian hruai haw chauh an ni.