Kerala-in ‘Blue Whale’ game khap turin ngen dawn

Kerala Chief Minister Pinarayi Vijayan chuan state sorkar chuan sorkar laipuiah ngenna thlenin, computer game ‘Blue Whale’ chu khap turin a ngen dawn tih a sawi.

CPI-M MLA Raju Abraham chuan khawvela mi 4,000 chuang zet intihhlum phahna chhan nia ngaih, Blue Whale game chu Kerala state bikah chauh pawh vawi 2,000 zet download a ni tawh a ni, a ti. He thilah hian hian state sorkar chu inrawlh vat turin a ngen a, hei hi CM chuan chhangin he game-in khawvel ram hrang hranga nghawng ṭha lo a thlen dante an zirchian hnuah, Kerala Police, educational institution leh social group hrang hrangte chuan game ṭhat lohzia campaign hi an nei nghal a, sorkar laipui hnenah pawh khap turin an ngen dawn tih a sawi a ni.