IndiGo-in staff 10% ban dawn

India rama airline lian ber, IndiGo chuan Covid-19 leng vanga an sum lakluh nasa taka a tlakhniam avangin, an staff chu 10% ban ṭhen an ni dawn tih a sawi. Hripui leng mek avangin ram tam takin inkalpawhnate an khar a, hei hi airline-ten an tuar nasa hle a ni.  

Investor-te hnena lehkha a thawnah, IndiGo chief executive Ronojoy Dutta chuan hun harsa tak an tawh mekah, sumdawnna kalpui chhunzawm zel tur chuan hetianga an tih hi a ngai dawn ta a ni tih a sawi a ni. Hripui leng vanga inkharkhipna kalpui a nih avangin IndiGo thlawhtheihna te pawh hun rei tak service thei loin an ding a ni. IndiGo hian thawktu 24,000 vel a nei a, ruahmanna a siam thar ang chuan an zinga 2,400 chu ban an ngai dawn ta a ni.