Hripui leng karah parliament ṭhutkhawm neih tum

Rajya Sabha chairman M Venkaiah Naidu leh Lok Sabha speaker Om Birla chuan Thawhṭanni khan monsoon session atana parliament inhnih ṭhutkhawm tur chungchang an sawi a, ṭhutkhawm hi August thla tawpah emaw September thla tir lamah emaw neih an tum.

Monsoon session neih tumah hian Lok Sabha (LS) session neih hun chhungin LS member-te hi Rajya Sabha (RB) chamber lamah pawh an ṭhu dawn nia sawi a ni a, hei hi a chhan chu social distancing (midang hlata awm) dan zawm a nih theih nan a ni. Physical distance zawm chungin Rajya Sabha chamber leh gallery-ah te hian member 127 vel an ṭhut theih beisei a ni a, Lok Sabha chamber leh gallery-ah hian member 290 an awm theih beisei a ni bawk.