Loneitu lungawi loten tractor march nei

Punjab-a Ludhiana khuaah Thawhṭanni khan loneitu intel khawm mi 1,000 chuangin sorkar laka an lungawi lohna lantirin an tractor hmangin kawng an zawh a, he kawng zawh hi tractor march an ti.

Fuel man san vang leh sokar laipui ordinance - The Farmers' Produce Trade and Commerce (Promotion and Facilitation) Ordinance, 2020, The Farmers (Empowerment and Protection) Agreement on Price Assurance and Farm Services Ordinance, 2020 leh The Essential Commodities (Amendment) Ordinance, 2020 an duh loh vangin loneitute hi an tractor hmanga kawng zawhin an lungawi lohna hi an lantir a ni.

Kawngzawh zinga mi, Sarabjit Singh chuan sorkar laipui ordinance (dan) pathumte hi an dodal thu a sawi a, Covid-19 vanga loneituten channa leh harsatna an tawh thu a sawi. Loneitu Gurcharan Singh chuan hripui leng vanga harsatna an tawk chungin, sorkarin loneitute a dawm kanna tur Minimum Support Price (MSP) chu chhunzawm a ni loh thu a sawi. Petrol leh diesel man pawh tihniam turin loneitute hian sorkar an ngen a, an thil phutte sorkarin an tihhlawhtlinsak hma loh chuan an tractor hmang hian kalkawng an dan zel dawn thu  an sawi a ni.