July thla chhungin WhatsApp-in Indian account mtd 2.4 tihtawp sak

Kumin July thla khan messaging platfrom, WhatsApp chuan India ramah account maktaduai 2.39 a tihtawp sak a, thla khat chhunga account a tihtawp tam ber ṭum a ni.

Ningani zana monthly report a tihchhuahah hei hi tarlan a ni. India rama IT dan hnuaiah, digital platform-te hian thla tin report hi an tihchhuah a ngai tawh a ni.

July thla chhunga account tihtawp zingah, user lam aṭanga report engmah awm lo chunga tihtawp sak hi maktaduai 1.42 a ni. Hetih lai hian account tam tak chu company grievance channel-in complaint an dawn vang leh, thil dik tawk lo post thlitfimna tur hmanrua an dahten an man aṭangin tihtawp sak an ni bawk. July thla khan WhatsApp hian grievance report 574 a dawng a ni.

WhatsApp hi thu dik tawk lo leh, inhuatna chawk chhuak thei thehdarhna atan hman a ni nasa tiin sawisel a hlawh hle a, India ram chauh ni lo, ram dangah pawh sawisel a tawk fo a ni. June thla khan India ramah account maktaduai 2.21 tihtawp sak an lo ni tawh bawk.