Taj Mahal nihna sawichiang turin ti

Central Information Commission (CIC) chuan Unoin culture ministry hnenah Taj Mahal chu Shahjahan-a mausoluem sak nge, Mungal lal hnena Rajput lal-in Shiva temple a pek tih sawichiang turin a ti.

Information Commissioner Sridhar Acharyulu chuan Taj Mahal nihna chungchangah hian historian-te sawidan in ang lo a awm a, hei van ghian ministry chuan a nihna leh a pawmdan dik tak a sawichian a ngai tih a sawi.

BKSR Ayyangar chuan RTI hmangin CIC hnenah Agra-a in ropui tak ding hi Taj Mahal nge ‘Tejo Mahalaya’ tih a zawt a ni. A zawhnaah hian, “Mi tam takin Taj Mahal hi Taj Mahal ni loin Tejo Mahalaya an ti a, hei hi Shahjahan-a sak ni loin, Rajput lal Raja Maan Singh-a’n a pek nia sawi a ni bawk a ni”, a ti.

Mahse Archaeological Survey of India (ASI) chuan hetiang record hi a awm lo thu an hrilh a ni. Ayyanagar chuan kum zabi 17 hunlaia sak, he in ropui tak sak a nih dan kimchang a zawt bawk a, room awm zat te, room thuhruk awm te leh a bul hnaia room awm chanchinte a zawt a ni.