Gorkhaland phuttute inbiakna neihpui

Gorkha Janmukti Morcha (GJM)-te’n West Bengal aṭanga Gorkhaland state hran phuta nawrh an huaihawt chu nimin kha a ni 60-na a tling ta.

Sorkar laipui chuan nawrh huaihawt­tu GJM chu inbiakna neihpui turin a sawm a, Union home minister Rajnath Singh chuan nimin tlai dar 4.30 khan New Delhi-ah GJM hruaitute hi a hmu a ni. He meeting-ah hian Gorkhaland Movement Coordination Committee (GMCC)-a political party pali - GJM bakah Gorkha National Liberation Front (GNLF), Communist Party of Revolutionary Marxists (CPRM) leh Gorkhaland Rajya Nirman Morcha (GRNM) aiawhte an tel. Darjeeling Lok Sabha MP SS Ahluwalia pawh a tel a ni.