Plastic hman lohna hmunah Goa siam tum

Goa Chief Minister Parrikar Manohar chuan Goa state chu kum 2020-ah chuan plastic hman lohna state-ah siam tum a nih thu sawiin, an thil tum tipuitling tur hian mipuite chu thawhpuiah a sawm.

Parrikar chuan plastic hman tawh lohna state-a siam tuma sorkar chuan kawng hrang hranga hma a lak thu a sawi a, state sorkar chuan 50 micron hnuai lam plastic bag hman khapna thupek pawh tihchhuah tawh a ni, a ti. State mipuite chuan plastic bag 50 micron hnuai lam chin hman an tum loh vek chuan, plastic hman lohna state-ah siam tumin hma an la ho thei dawn tih a sawi.