September 19 thleng Sanjay Raut la hreng dawn

Mumbai special court chuan Rajya Sabha MP leh Shiv Sena hruaitu Sanjay Raut chu September 19 thleng judicial custody hnuaia la awm turin a ti.

Sanjay Raut hi Patra Chawl money laundering case-ah Enforcement Directorate (ED)-in an man a ni. Raut-a lawyer chuan bail dilna a la thehluh loh thu court a hrilh.

Judicial custody pawtsei tura ngenna hi ED hian kar hmasa khan an lo thlen tawh a ni. Court chuan Sanjay Raut hi Parliament form ṭhenkhatah a hming ziah phalsakin, a copy chu ED leh Court hnenah thehlut turin a hrilh. Nimina a chungthu ngaihtuah lai hian Raut-a chhungte chu court-ah hian awm ve a,amah thlawltu mi eng emaw zat an tel bawk.

August 1 khan, Rs vbc 1,034 tihchingpenna nia sawi, Patra Chawl land scam case-ah ED chuan Sanjay Raut hi darkar ruk chuang zet thu an zawhfiah hnuah an man a ni.